人無傷虎意，虎有害人心

我把舊日連登 post 有關 19年抗爭警察暴行都留檔存下。

要將事情記下來，日子久了，譬如荃灣大陂坊黑幫斬人手筋腳筋，都會開始唔記得。

香港人實在太善良，共產黨講句同胞，說甚麼血濃於水就被打動。其實一直當香港係外敵，啲軟硬兼施，同滲透海外國家係同一套手法。

香港嘅精英官員一個個整走。

鄺其志個人比較自大，就用細價股改革掘個坑畀佢。

曾蔭權立身不謹，會用許仕仁、湯顯明嗰挺，重才不重德。就用貪腐，先控制後摧毁。

任志剛、雷鼎鳴、梁兆基、湯家驊、劉千石 - 個個走樣變形,內中有幾多人係有把柄在手呢？

當無弱點可利用，就乾脆整走，好似張敏儀，就整個日本「升職位」（藍鴻震講法）調走佢。

一切係有組織有預謀。

譬如廉政行動 2019， 鄭則仕在《黃金枷鎖》這單元扮肥龍許仕仁，講佢點奢華。

Ok 呀，但點解我見唔到任何一部影視，將三劍俠抗擊國際大鱷嘅英雄事蹟搬上銀幕？

而所有王晶、冼國林啲垃圾片，都同你講英治時期貪腐，小人物受洋人和手下嘅華人點樣壓迫欺凌！

人無傷虎意，虎有害人心，好多人仲係戇居居。