阿仔最中意揸住啲幼兒啓蒙書。佢又唔係認真讀，只係揭吓揭吓，有時仲上下掉轉嚟。佢只係用嚟舞吓舞吓。
但有個壞習慣係中意扔，當豆袋咁扔遠。結果係好實淨嘅啓蒙書都扔散。咁我揾膠紙黏番佢，佢又再扔，甚至會專登搣我黏嘅膠紙。結果差不多由封面到書背嘅每一頁都黏過。
老婆通常無心機搞，見到爛咗就放返櫃筒。咁我開櫃筒發覺就黏番放回去。阿仔都會去嗰格櫃筒摷嚟玩。
嗰陣係多年前啲短租散貨場10蚊店買嘅，右邊呢本《交通》係其一（見下圖）。我見扔到咁爛，偶而見到觀塘仲有書店賣呢啲書，就走一次去觀塘掃幾本返嚟。
淘寶都有啓蒙書賣，但總覺唔合用，也無咁實淨。
買咗嘅包括左邊呢三本，但時間耐咗一樣扔到殘。不過佢中意新書多啲，次次都係自己摷新書玩。
呢幾日見佢無喇喇摷番呢本舊書《交通》出嚟。諗吓諗吓有啲唔對路。
原來三本新嘅都扔爛晒，但佢將爛咗嘅全部收埋櫃筒，好似佢阿媽做法一樣。
咁我又逐本修補，雖然煩啲，但真係可以完整無缺砌番三本12頁小書出來。
咁我同佢講，整番好有得玩喇，我都讚佢識放好，但提醒佢如果下次識同爸爸講係爛咗就更好。
本來只是分體冷氣滴水，待弄清問題後，其實和金權政治極為相似，直頭佮佮冚，細思極恐！
話說部冷氣買咗一年多啲，一個月前起，忽然有時室內滴水。雖則真係現在勁熱係由朝開到晚無停。
咁我哋停佢幾個鐘，再開返就唔滴。
我哋打去安裝冷氣嘅公司問，個師傅都好好心機答。佢話依家温差大，即是由百年一遇嘅酷熱天氣，個冷氣要制冷到舒適温度 （通常政府叫你校到 25 度）
咁佢話太大地方個 engine 做唔嚟，而解決方法係，校到極低目標温度，去到16度、18度！因為咁樣個 engine 可以盡情奔馳，就唔會在一冷一熱間凝結出倒汗水。
我哋將信將疑，但照跟佢做，又得得地。不過，過得一排，又係忽然會滴。
咁我哋都醒起佢話「應該每兩個月清下隔塵網」。無計可施之下，諗住即管洗下，就算唔得，乾淨啲也是好的。
點知拆塊隔塵網，點解咁實呢？先至發現怪事：個冷氣隔塵網入風位，同出風位之間竟然結晒冰。
雖然之前都有細細塊結霜咁跌落嚟 （大暑天飛霜呀！），但家陣個感覺係冰川溶化！
連隨攞個風筒吹溶啲冰，抹乾後再開機，好似解決咗問題。
***
老婆問點解大熱天會結冰咁奇？我大概咁理解。
隔塵網確係「藏污納垢」，令到入氣受阻，咁近出風位嗰部份，就有機會由出風位「過水濕腳」，驟然受冷。受冷又長期停留在有利位置，於是「凍者愈凍」，凍到結冰。
而這在外觀上仍看不出。
到冰川滿到無法掩藏，水就從不正常渠道流走。
與此同時，冷氣機本來是由吸入室內空氣的温度，感應當時室温，但這些「既得利益」的冰川「蒙蔽」了温度感應器，以為全天下都豐衣足食，實際上「朱門酒肉臭，路有凍死骨」。
所以後來聽個師傅講開大冷氣，反而覺得目標温度為18度時，涼快程度還不及之前校到23、24度時。
但又極不穩定，開一輪後又凍返，以至我們「摸著石頭過河」，又調校至21度。
後來我們明白了，因為中途有熄冷氣，那麼冰川稍溶，就好像權貴們「手指罅漏啲出嚟」，咁係會好過一些，但效果很短暫。
如果沒搞清問題，那麼系統仍然是極不穩定，不能長遠維持，遲早拉柴。
到我發現了，用風筒將冰川溶走，再沒特權階級，又沒傷及機件，此為「和平演變」。
如果心急要揾鑼絲批鑿走撬走冰川，會有傷及裡邊機件的可能，那時就是武力革命！如果傷到無法修理，要換部新機，那就是改換國體了！
拜登批評前總統特朗普及支持者充滿仇恨暴力，不僅威脅個人權利和經濟安全，更是對民主本身的威脅，形容這是「半法西斯主義」。
法西斯不單止用暴力，最明確係反對議會民主。它也不同於共產主義，因為它不贊成唯物論，而法西斯其實支持精英制，反對共產黨平等泛濫，只求量不求質，愚民地痞多多益善。
如果講暴力，基本上法西斯、馬克思主義，甚至普羅民主都不反對暴力，公民抗命、佔領華爾街、Black Lives Matter, 是同樣會涉及暴力。
***
//因大部份法西斯國家都有一部勞動法，所以龍少就深入研究法西斯主義，研究了三四年後，發現六七十年代介紹法西斯主義的書中，被加上法西斯主義者外衣的貝隆（西班牙文Juan Domingo Perón，1895-1974），在近年介紹民粹主義的書中，貝隆被改為披上民粹主義者的外衣。是貝隆早年穿法西斯主義外衣，後改穿民粹主義外衣呢！或是法西斯主義等同民粹主義呢！龍少也看了不少介紹民粹主義的書，從來没有著作者論述這一問題，有如以前没有人曾指貝隆是法西斯主義者。更或者兩個名詞都是空洞没意思的，可以隨意使用，不必理會兩者是否有分別或相同，真是令我丈八金剛摸不著頭腦。
荷蘭政治學家卡斯•穆德（Cas Mudde，1967-？）等著的《民粹主義》一書有談貝隆，第二章有共產主義和法西斯主義內容，也没有談這問題。是穆德没有發現這問題，或是視而不見。
穆德說：只有小部分強人是民粹主義者，西班牙佛朗哥（西班牙文Francisco Franco，1892-1975）和墨西哥迪亞斯（西班牙文José de la Cruz Porfirio Díaz Mori，1830-1915）等強人不是民粹主義者，因為民粹主義者也會組織民主政府。佛朗哥和迪亞斯都被指為法西斯主義者，可以說左中右都有民粹主義者。
工會動員群眾是民粹主義嗎！或者民粹主義是政治用詞，與工會運動無關。民粹主義是手段嗎！穆德在《民粹主義》指：「民粹主義歸根究柢是組理念，這些理念被不同的性格以至行事作風的行動者採用。」
穆德指波蘭團結工會不是民粹主義運動，但部分領袖和支持者有民粹主義傾向。
穆德在《民粹主義》指：「大多數社會運動只想建立特殊群體的共同身份，比如說是學生、女性、工人等等。然而民粹主義卻把“人民”描述為同質的類別，其理念假設一大群個體──縱然那不是整個社會──理應從“腐敗菁英”那邊奪回被竊據的主權。亦因如此，民粹主義者對建構針對特殊群體（也就是“人民”的小分類）的詮釋框架幫助不大。」也指民粹主義的動員模式有三種：個人風格領導、社會運動和政黨政治等。//
https://leungpolung.blogspot.com/2022/08/blog-post_17.html?spref=fb&m=1
若然這麼講穆德沒真正釐清民粹問題，反而越講越亂。
印象中民粹是當理據不足時訴諸民眾熱情。他可以化身成沙文主義、愛國主義或排外主義。
法西斯本身必然聚焦在國家一體化之上。這與共產黨的舉國體制實在相似。
任何這些政團一定係會用到 mobilization, 尤其發跡起家時，故分辨是否民粹應看它是否持續地用，就像它性格的一部分，甚至明明有其他選項都寧願採民粹手法過關。
果然有專家和我持相近睇法
//Cas Mudde and Cristóbal Rovira Kaltwasser argue that although fascism "flirted with populism ... in an attempt to generate mass support", it is better seen as an elitist ideology. They cite in particular its exaltation of the Leader, the race, and the state, rather than the people. They see populism as a "thin-centered ideology" with a "restricted morphology" that necessarily becomes attached to "thick-centered" ideologies such as fascism, liberalism, or socialism. Thus populism can be found as an aspect of many specific ideologies, without necessarily being a defining characteristic of those ideologies. They refer to the combination of populism, authoritarianism and ultranationalism as "a marriage of convenience".[45]//
https://en.m.wikipedia.org/wiki/Fascism
+++
