上回有個「好勝 Gigi」話自己係 Singaporean Chinese, 話共產黨好受人民歡迎（你去北韓做民調金仔支持度都100%啦），又話人哋西方反華，我就問佢係咪唔識分別反華同反共？然後我問佢究竟依家效忠新加坡（即華裔新加坡人）定效忠中共（即新加坡中國人）。
如果唔係李顯龍唔使講「從落葉歸根到落地生根」啦。
Gigi 無應機，但事隔成個半月居然有人搭訕（不過我懷疑係 Gigi 影分身，不過呢點唔重要）話 Gigi 講得好 （依家 Gigi 已改名為 truthseeker），又話我人身攻擊。
我話我點人身攻擊呢？你向邊個國家效忠係咪要諗清楚呀，就係中共講就凶狠，做就碌能，害死東南亞華僑，搞到咁多排華打壓，出咗事之後又話「中乜友好」，華僑出事時就「不干涉別國內政」，提你係塞錢落你袋咋。
此君畀我修理完，又係噴啲五毛三幅被，「唔中意可以走，走咗唔好插祖國」之類。
但我特別覺得有趣係佢講咗句 "Everyone see how much you hate China".
Hate 有乜問題？我唔係耶穌，唔使愛所有世人啩？
好像憎恨中國就是一項罪名？好明顯以中共嘅自細洗腦，「愛國」已經變成宗教。
好耐以前有個講師上課時講起，佢後生時出國，抵埗後在入境關口填個人資料，「宗教一欄一定要填，填乜都得，孔教都無所謂」。佢話唐人無宗教信仰好平常，但西方會覺得如果你無一個超自然嘅道德皈依，豈非會無法無天？
當然今時今日，你講唔出自己信仰，或聲明自己是無神論者，係乜柒問題都無。
同樣你問個香港人「你愛唔愛國？」，多數會「吓？」一聲又或者「有乜話愛唔愛㗎。」如果你 hint 佢少少話身處外地，咁就會出返啲李小龍《唐山大兄》「中國人梗幫番中國人」。
但如果係大陸人，出於自小教化，唔愛國係不可思議。
但正如我以前有篇講過，「愛不愛國，與你何干？」，這純粹是私人的理智和感情的抉擇。
做人起碼有幾個層次的規範。
一為奉公守法，例如沒拖欠也沒尅扣夥計人工。
二為人倫道德，例如養育子女，又或照顧父母（東方文化尤其重視）。
三為好人境界，例如夫妻恩愛，兄友弟恭，樂於助人，肯做善事做義工。
四為聖賢境界，如捨己為人，殺身成仁，就更難了。
在我看來，愛國情操屬於夫妻恩愛之類，做得到會為人稱許，但即使及不上，也只是自己的事，與人無尤吧？
況且，「響屁不臭，臭屁不響」，善欲人知不為真善。真正愛國的，真可做到「事了拂衣去，深藏身與名」。
《十年·自焚者》的自焚婆婆，六四阻擋坦克的坦克人（王維林？），「未留名，未留姓」，也是出於情之所鍾，挺身愛國。假若他們給虎狼政權逮住了，審問是誰人指使，恐怕他們只能招認那是出自純粹愛國心！
「未留名，未留姓，認得刀背淚影！」
***
相關文章：
探討雙重效忠問題
https://m.facebook.com/story.php?story_fbid=5732910180064136&id=100000356334640
+++
沒有留言:
發佈留言